في بادرة تنم عن وعي مجتمعي بخطورة أحداث الشغب المتتالية بين أعضاء إلتراس الرجاء و الوداد والتي راح ضحيتها العديد من الشباب، أصدرت Curva Sudو Curva Nord بلاغا مشتركا يعبران من خلاله عن شجبهما لكل مظاهر العنف التي باتت تشهدها شوارع مدينة البيضاء من تكسير واعتداء على ممتلكات الغير ومواجهات دامية بين أعضاء الفصيلين كان آخرها ماحدث بميناء لمريسة بدار بوعزة صبيحة يوم الأحد الماضي.

وعبر الفصيلين عن الهدف الرئيسي للحركية باعتبارها المتنفس الوحيد الذي من خلاله يتم التعبير عن الشغف بالفريق والتغني بأمجاده “من ديما كانتغناوا بلي الحركية كانت هي المتنفس و هي لي كاتخلينا نعيشوا الشغف ديالنا بما يرضي الله. إلا أننا مؤخرا ولينا كانشوفوا أحداث لا علاقة ليها بالحركية ولات عوض أنها تحيينا كاتقتلنا، أحداث لي أي عضو أولترا مايمكنش يقبل بيها و مايمكنش يسمح ليها تولي جزء من الموفمون لي كانعيشوه. حيث الموفمون أكبر و أنقى من أنه يتوسخ بتصرفات بحال هادي و يتلطخ بدماء العقاب ديالها قدام الخالق صعيب نتصوروه”.

وأضاف الفصيلين في البلاغ ذاته : “قلنا و مازال غا نقولوا بلي المنافسة خصها تبقى فالتيران، بلي المنافسة خصها تكون شريفة حيث هاداك هو السبيل الوحيد باش نحافظوا على حركية نقية، باش نعيشوا شغف بلا شغب، باش الوالدين يبقاو هانيين على اولادهم و باش الدم يبقى كايجري فالعروق عوض يسيل من الجرح.. و ماشي كاع الجروح كايتخيطوا”.

وتابع الفصيلين “حنا كلنا ملزومين باش نتاقيو الله فبعضياتنا و فريوسنا و والدينا. الغروبات حاولوا و مازال كايحاولوا يديروا قطيعة مع أعمال الشغب لي كاتجرنا لحوايج تا واحد فينا ما باغيها، و لكن كل مرة كانلقاو بلي لي درناه ماكافيش” .

وفي الآخير وجها رسالتهما لأعضاء الفصيلين بالتقيد بروح المسؤولية والابتعاد عن كل ما من شأنه تلطيخ صورة الحركية : “وهادشي علاش هاد المرة خصنا نكونوا أكثر صرامة و أكثر مسؤولية من قبل و نلتزموا التزام حقيقي بالقرارات لي غادي نخرجوا بيها فالمستقبل القريب . خص الأعضاء من جهتهم كذلك يثبتوا بلي أحداث الشغب ما هي إلا استثناء و ماشي قاعدة فالحياة ديال المومبر و التعبير ديالهم على الانتماء للغروب مايكونش بالبرودويات فقط و يكون بتطبيق الأمور لي غانتفقوا عليها الا كنا بصح بغينا نكونوا فأجواء لي تنقي و تخلينا نعيشوا الموفمون أولترا ماشي يقتلنا موفمون ماعرفناه شنو هو.

حركية نقية، شغف بلا شغب”.

أخبار ذات صلة

زخات مطرية قوية محليا رعدية (من 20 إلى 40 ملم) متوقعة غدا الخميس بعدد من مناطق المملكة

توقيف خمسة أشخاص بتهم خطيرة بالدار البيضاء

مجموعة باير للأدوية الزراعية تدعم جهود الجمعيات والمنظمات غير الحكومية التي تخلق برامج ذات التأثير الاجتماعي الكبير

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

@