إسبانيا لا تشرب ماء سيدي علي!!!

هشام الخياطي
ليكيشوف الدوري الإسباني، أكيد غادي يكون نتبه لإسم “سيدي علي”  شركة المياه المعدنية  وهو يغطي اللوحات الإشهارية في مختلف الملاعب الإسبانية
غير هو بغيت نقول لمريم بنصالح مولات الشركة ان الإسبان مكيشربوش سيدي علي وهاديك الفلوس الغليظة ليخسرتي على هاد الإشهار كان من باب الحب للوطن ليكتكلي الغلة ديالو انك تبني سبيطار او مدرسة في اولماس مين كتستغلي إستخراج هاد المياه
وكان عليك قبل ما توقعي هاد الإشهار تمشي ديري دويرة في المحلات التجارية الكبرى الشهيرة ليكاينة في ليسبان بلغتكم الفرنكوفونية وتشوفي اثمنة المياه فيها، انا مأكد غادي تمرگي  حيث في إسبانيا ممكن تشري قرعة دلما دليتر ونصف ب 3 دراهم وتقدر تشري د 5 ليتر بخمسة دراهم

في السنة الماضية بيل غيتس تبرع ب 4 مليار و600 مليون دولار من ثروتو لصالح الأعمال الخيرية

وحنا الإقتصاديين ديالنا الكثير منهم
يتبرعون بثروتهم فقط  لتسمين إحتياطات البنوك الأجنبية

وملي كنجيو نشوفو مساهمتهم الفرديةالتطوعية في المبادرات الخيرية ليممكن تساهم بشكل من الأشكال في تنمية البلاد كنلقاو هاد النسبة

0,00000000000000000000000000000000000000000001